თბილისი (GBC) –2022 წლის იანვარ-თებერვალში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) $760.4 მლნ. შეადგინა, რაც 54.5 %-ით მეტია გასული წლის შესაბამისი პერიოდის მაჩვენებელზე. ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 73.1 %-ს შეადგენს. აღნიშნული მაჩვენებელი წინა წლის შესაბამის პერიოდთან შედარებით 51.7 %-ით გაიზარდა და $555.8 მლნ. გაუტოლდა.

2022 წლის იანვარ-თებერვალში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 80.8 % შეადგინა. ამ მხრივ, უმსხვილესი საექსპორტო პარტნიორებია: ჩინეთი ($90.0 მლნ.)ბულგარეთი ($83.7 მლნ.), რუსეთი ($80.2 მლნ.) და თურქეთი ($55.9 მლნ).2022 წლის იანვარ-თებერვალში ადგილობრივი ექსპორტის ათეულში პირველ ადგილზე სპილენძის მადნები და კონცენტრატები არის წარმოდგენილი $156.3 მლნ, აღნიშნული სასაქონლო ჯგუფის წილი მთლიანი ადგილობრივი ექსპორტის 28.1 % შეადგენს. მეორე ადგილზეა ფეროშენადნობები $100.5 მლნ. (მთლიანი ადგილობრივი ექსპორტის 18.1 %), ხოლო მესამე ადგილს იკავებს აზოტოვანი სასუქები $58.2 მლნ. (მთლიანი ადგილობრივი ექსპორტის 10.5 %).