თბილისი (GBC) -იმ შემთხვევაში, თუ დასავლეთი რუსულ ნავთობზე უარს იტყვის, მისი ღირებულება შესაძლოა 300, ან სულაც 500 დოლარამდე გაძვირდეს - განაცხადა რუსეთის ენერგეტიკის მინისტრმა ალექსანდრ ნოვაკმა.

მისი თქმით, ევროპელები უნდა დაფიქრდნენ, სანამ ამ ნაბიჯს გადადგამენ, რადგანაც რუსული ნავთობის დაბლოკვა აუცილებლად გამოიწვევს დეფიციტს, რომლის შევსებას უახლოეს წლებში შეუძლებელი იქნება.

რუსული ნავთობის იმპორტის აკრძალვის შესაძალებლობას განიხილავენ ევროკავშირში, თუმცა, ეს განიხილება როგორც საპასუხო ზომა კიევის მასიური დაბომბვის ან რუსეთის მიერ უკრაინაში ქიმიური იარაღის გამოყენების შემთხვევაში.