თბილისი (GBC) – ეროვნული ბანკი გადახედავს პროგნოზს ეკონომიკის 5%-ანი ზრდის თაობაზე, და შეამცირებს 3-4%-მდე .

სენ-ის პრეზიდენტის თქმით, 24 თებერვლამდე არსებული ვითარება დღევანდლისგან მნიშვნელოვნად განსხვავდება, და რუსეთ-უკრაინის ომმა ახალი რისკები გააჩინა - კერძოდ, ინფლაცია შემცირების ნაცვლად გაიზრდება, ხოლო სავალუტო შემოდინებები - ტურიზმის, ექსპორტის, და გზავნილების კუთხით შემცირდება.

„ამან გამოიწვია რეფინანსირების განაკვეთის ზრდა. რაც შეეხება სამომავლო პერსპექტივას, რეფინანსირების განაკვეთის მატება ლარებში სესხების პროცენტს ზრდის, და შესაბამისად, უცხოურ ვალუტაში სესხებს ახალისებს, ამიტომაც არსებობს მონეტარული პოლიტიკის სხვა ინსტრუმენტებიც, რომლებიც გამოიყენება მომავალში“ - განაცხადა გვენეტაძემ.