თბილისი (GBC) - საქართველო მონაწილეობს ყველა ფინანსურ სანქციებში, რომლებიც რუსეთს საერთაშორისო თანამეგობრობამ დაუწესა - განაცხადა ქვეყნის პრეზიდენტმა სალომე ზურაბიშვილმა CNN-სთვის მიცემულ ინტერვიუში.

„ჩვენ ვმონაწილეობთ ყველა ფინანსურ სანქციებში რუსეთის წინააღმდეგ, და ეს ბევრ რამეს ნიშნავს ჩვენი ფინანსური სექტორისთვის. ამავე დროს ჩვენ ვმონაწილეობთ ყველა საერთაშორისო რეზოლუციებში, რომლებიც მიიღება უკრაინის მხარდასაჭერად“ - განაცხადა პრეზიდენტმა.

იმის მიუხედავად, რომ საქართველოს პრემიერ-მინისტრმა ირაკლი ღარიბაშვილმა განაცხადა, რომ ქვეყანა არ შეუერთდება რუსეთის წინააღმდეგ საერთაშორისო სანქციებს, რეალურად საქართველო მონაწილეობს ფინანსური სექტორის წინააღმდეგ აკრძალვებში - კერძოდ, ქვეყანაში აიკრძალა რუსული საგადამხდელო სისტემა „მირ“-ის შემოსვლა, და ფაქტობრივად შეწყვიტა მუშაობა ბანკ ВТБ-ს ქართულმა ფილიალმა, რომელმაც თავისი სერვისები „ბაზისბანკს“ და „ლიბერტი ბანკს“ მიჰყიდა.