თბილისი (GBC) – მთავრობის არასწორი გადაწყვეტილებები, მოძველებული ინფრასტრუქტურა, აღრიცხვიანობის და მოხმარებული ენერგიის საფასურის გადახდის დაბალი, და რა თქმა უნდა, უკონტროლო კრიპტომაინინგი - ესაა ძირითადი ფაქტორები, რომელთა გამო აფხაზეთში ენერგოკრიზისი არათუ არ სრულდება, არამედ მწვავდება.

ენგურჰესზე გამომუშავებული ენერგიის აფხაზეთს დღევანდელ ენერგომოხმარებისთვის სრულიად არასაკმარისია, და დეფიციტი რუსეთისგან იფარება. ამის მიუხედავად, ენერგომომარაგება არასტაბილურია, და დღეს აფხაზეთში მიწოდების განრიგი მოქმედებს - ყოველდღიურად ელექტროენერგია 5 საათით ითიშება.

თუმცა. 31 მარტს სახელმწიფო კომპანია „ჩერნომორენერგომ“ განაცხადა, რომ რუსეთისგან ენერგიის მიღებას წყვეტს, და მთლიანად გადადის ენგურჰესზე, სადაც წყლის დონე მნიშვნელოვნად იზრდება.

ამის მიუხედავად, ენერგომიწოდების განრიგი არ იცვლება და კვლავ დღე-ღამეში 5 საათს შეადგენს. აფხაზურ საზოგადოებაში მიმდინარეობს მწვავე დებატები - როდემდე უნდა გაგრძელდეს არსებული კრიზისი, რომელიც აღრიცხვიანობის მოწესრიგების და კრიპტომაინინგის შემცირების გარეშე ვერასდროს დასრულდება.

საბოლოო ჯამში აფხაზეთის მთავრობამ შეამუშავა და პარლამენტს განსახილველად გადასცა კანონპროექტი, რომელიც აღრიცხვიანობის მოწესრიგებას, და შეღავათების შემცირებას გულისხმობს.