თბილისი (GBC) - ქართული ღვინის ექსპორტი - როგორც მოცულობით ასევე თანხაში - ბოლო წლებია სტაბილურ ზრდას აჩვენებს, თუმცა ერთ-ერთ მთავარ საექსპორტო ბაზრდას კვლავ რუსეთი რჩება. უკრაინაში ომის დაწყებამდე TBC კაპიტალი ელოდა რომ წელს ქართული ღვინის ექსპორტი 2021 წელთან შედარებით 11%-ით გაიზრდებოდა. მათ შორის 10%-იანი ზრდა იყო მოსალოდნელი რუსეთის ბაზარზე, უკრაინაში კი 9%-იანი. თუმცა ომის გავლენა ამ ინდუსტრიაზე ისეთივე იქნება როგორც სხვა სექტორებზე. კერძოდ, თუკი ომი დროულად დასრულდება არსებულ პროგნოზთან შედარებით ღვინის ექსპორტი 33%-ით შემცირდება, ომის დროში გაჭიანურების შემთხვევაში კი 44%-ით.

კერძოდ, შედარებით ოპტიმისტური სცენარის შემთხვევაში დაგეგმილთან ზრდასთან შედარებით რუსეთში ქართული ღვინის ექსპორტი 38%-ით შემცირდება. რაც შეეხება უკრაინის ბაზარს - აქ ვარდმა 90% იქნება. ამავე სცენარით, ჯამში ომის გამო საქართველო 87 მლნ დოლარის ღვინის რეალიზებას ვერ მოახდენს.

რაც შეეხება მეორე სცენარს რომლის მიხედვით რუსულ კომპანიებს გადახდის პრობლემა წლის ბოლომდე ექნებათ - ქართული ღვინის ექსპორტი მოსალოდნელია რომ რუსულ ბაზარზე დაგეგმილ ზრდასთან მიმართებით 50%-ით შემცირდეს. ამასთან 14%-ით მცირდება ექსპორტი სხვა ქვეყნებში 3%-იანი ზრდის ნაცვლად. მეორე სცენარის მიხედვით ჯამში ქვეყანა 116 მილიონი დოლარის ღვინოს ვერ გაყიდის.