თბილისი (GBC) - რუსეთისთვის დამატებითი სანქციები, ნავთობის და სურსათის გაძვირება, წნეხი ინფლაციაზე ... ყველაფერისმეს ერთობლიობაში  შეანელებს ეკონომიკას. 

ეს პროცესების იმოქმედებს ლარის გაცვლით კურსზე, ინვესტიციების გადავადებაზე და შემოსავლებზე ექსპორტის, ფულადი გზავნილების და ტურიზმის მიმართულებით, - G&T-ის ეკონომისტმა ლაშა ქავთარაძემ  "ბიზნესპარტნიორში" სამაუზე  რუსეთის აგრესიით განპირობებულ გაუარესებულ მოლოდინებზე  განაცხადა.

თუმცა, მისი თქმით დანაკარგები პანდემიისდროინდელ მასშტაბზე  არ გავა. ისეთი სიმძიმის არ იქნება. 

"პანდემიის პერიოდში ტურიზმი სრულად გაჩერდა და დანაკარგი 2.7 მლრდ-ის ფარგლებში იყო, თუმცა წელს ასეთი დანაკარგები არ არის მოსალოდნელი. იმის ფონზე, რომ ომი თებერვალში დაიწყო, მარტის ტურიზმის მონაცემები არ არის სავალალო, პირიქით, შეგვიძილია პოზიტიურ ჭრილში განვიხილოთ, რადგან აღდგენა შემოსავლებში 50%-ია, 2019 წელთან შედარებით. ვარდნა არ გვაქვს, ისეთი ფონი, რომ ადამიანებს საქართველოში მოგზაურობა ეშინოდეთ, რადგან ხედავენ რისკს  არ არსებობს. აქედან გამომდინარე, თუ შემდგომ თვეებში რუსეთ-უკრაინის კონფლიქტი მოგვარებული იქნება, ტურისტულ ნაკადებთან მიმართებით არ გვექნება ისეთი ვარდნა, როგორიც პესიმისტურ სცენარებშია განხილული," - აღნიშნა Galt&Taggart-ის ეკონომისტმა.