თბილისი (GBC) - შსს-ს მონაცემებით 2022 წლის თებერვალში საქართველოში სულ 164,635 უცხო ქვეყნის მოქალაქე შემოვიდა. მათგან 130,130 ანუ 79% საქართველოში 24 საათზე მეტ ხანს გაჩერდა. ეს მონაცემი წინა წლის იმავე პერიოდთან შედარებით 361.8%-ითაა გაზრდილი.

2020 წლის თებერვალთან შედარებით, უცხო ქვეყნის ვიზიტორთა შემოსვლა, შემცირებულია 62%-ით. 2020 წლის თებერვალში სულ 434,559 უცხო ქვეყმის მოქალაქემ გადმოკვეთა საქართველოს საზღვარი.

2022 წლის თებერვალში საზღვრის კვეთის რაოდენობით თურქები ლიდერობენ. ამ პერიოდში სულ 32,692 თურქეთის მოქალაქემ გადმოკვეთა საზღვარი. მეორე ადგილზეა რუსეთის ფედერაცია, რუსეთიდან სულ 26,702 ადამიანი შემოვიდა (643%-ით მეტი წინა წლის შესაბამის პერიოდთან შედარებით).

ევროკავშირიდან სულ 23,074-მა ადამიანმა გადმოკვეთა საქართველოს საზღვარი (243%-ით მეტი წინა წელთან შედარებით).