თბილისი (GBC) - 2022 წლის თებერვალში საქართველოდან სულ $28ათასის 2.4 ტონა ყველი ექსპორტირდა. ყველის ექსპორტი წინა წლის ანალოგიურ პერიოდთან შედარებით 76.3%-ით არის გაზრდილი(2021თებ-$15.9ათასის 2.5ტონა).

ქართული ყველის ექსპორტის 74.2% აშშ-ში ხორციელდება. ამ პერიოდში აშშ-ში $20.8ათასის 1.5ტონა ყველი ექსპორტირდა.

კომპანია ,,ცივის ყველში’’ განმარტავენ, რომ სულგუნს რუსებიც აწარმოებდნენ. ვინაიდან მიმდინარე მოვლენების გამო რუსეთი ვეღარ ახდენს სულგუნის ექსპორტს, ამერიკის და ისრაელის ბაზრები დიდ სურვილს გამოხატავენ საქართველოდან ექსპორტზე.

"ცივის ყველის" დამფუძვნებლის გოჩა ღაღაშვილის თქმით, სულგუნი ქართული პროდუქტია და რუსეთთან დიპლომატიური ურთიერთობების არქონის გამო, სულგუნის რუსეთში წარმოებაზე ქართული მხარე პრეტენზიას ვერ აცხადებს.