თბილისი (GBC) - ეროვნული ბანკი ელის რომ მიმდინარე წელს ეკონომიკური ზრდა 3-4%-ის ფარგლებში იქნება, ნაცვლად 5%-სა, რომელსაც მარეგულირებელი უკრაინაში ომის დაწყებამდე ელოდა. ბანკის პრეზიდენტი კობა გვენეტაძე განმარტავს რომ  ინფლაციის საშუალო მაჩვენებლი წლიურად 9% იქნება.

„ის არაპოპულარული და აუცილებელი ნაბიჯები, რომელსაც ეროვნული ბანკი დგავს საჭიროა იმისთვის, რომ ქვეყანაში ფინანსული და მაკროეკონომიკური სტაბილურობა შევინარჩუნოთ“, - ამბობს მედიასთან საუბრისას გვენეტაძე.

სებ-ის პრეზიდენტი მიიჩნევს რომ ინფლაციის მოსათოკად ამ ეტაპზე მკაცრი მონეტარული პოლიტიკის შენარჩუნებაა საჭირო. სიტუაციიდან გამომდინარე კი გვენეტაძე განაკვეთის კიდევ უფრო გაზრდას არ გამორიცხავს.

ეროვნული ბანკის სამიზნე მაჩვენებელი ინფლაციის დონეზე 3%-ია. საქართველოში უკვე 9 თვეა ორნიშნა ინფლაცია ფიქსირდება. გასული წლის ბოლოს კი ქვეყანაში ფასების ზრდის ტემპმა თითქმის 14% შეადგინა.