თბილისი (GBC) - სასტუმროების   და განთავსების მსგავსი საშუალებები ქონების გადასახადისგან თავისუფლდება, რომლის დეკლარირება საგადასახადო კოდექსის თანახმად,  2022 წელს არის გათვალისწინებული. 

 საგადასახადო შეღავათი ვრცელდება იჯარით, ლიზინგით ან სხვა ამგვარი ფორმით გადაცემულ ქონებაზეც, თუ ეს ქონება გამოყენებულია ამავე ნაწილით განსაზღვრულ რომელიმე საქმიანობაში, ასევე, რესტორნებისა და საკვებით მობილური მომსახურების საქმიანობებისთვის გამოყენებულ ქონებაზე. ცვლილება  ტურისტული სააგენტოებზეც ვრცელდება.

კანონპროექტით განსაზღვრულია, რომ საწარმო ან ორგანიზაცია არ თავისუფლდება ქონების გადასახადისგან მიმდინარე გადასახდელის სახით და იგი გადაიხდევინება გასული საგადასახადო წლის წლიური გადასახადის ოდენობით, მიუხედავად ამ ნაწილით გათვალისწინებული საგადასახადო შეღავათის, არა უგვიანეს საგადასახადო წლის 15 ივნისისა.