თბილისი (GBC) - 2021 წელს საქართველოში საერთაშორისო ტურისტების რაოდენობის აღდგენა (2019 წლის მაჩვენებლის 31%) დაბალი იყო როგორც ევროპის (38%), ასევე ცენტრალური/აღმოსავლეთ ევროპის (36%) საშუალო მაჩვენებელთან შედარებით, მაგრამ აღემატებოდა მსოფლიოს საშუალო მაჩვენებელს (28%). PMCG-ის კვლევის მიხედვით, მეზობელ ქვეყნებთან შედარებით, ტურისტების რაოდენობის აღდგენის მიხედვით, საქართველომ თურქეთსა (55%) და სომხეთზე (46%) უარესი შედეგი აჩვენა, მაგრამ აზერბაიჯანზე (25%) უკეთესი.

შერჩეულ საერთაშორისო საორიენტაციო ქვეყნებს შორის (ალბანეთი, ხორვატია და საბერძნეთი) საქართველომ ყველაზე ცუდი შედეგი აჩვენა, ხოლო ალბანეთში საერთაშორისო ტურისტების რაოდენობამ თითქმის 2019 წლის დონეს მიაღწია (89%).

ამასთან, აპრილში საქართველოს უმსხვილესი ტურისტული ბაზრებს შორის, ბელარუსიდან (220%), უზბეკეთიდან (166%), ისრაელიდან (10%), უკრაინიდან (9%) და ყაზახეთიდან (7%) საერთაშორისო ვიზიტების რაოდენობამ 2019 წლის ამავე პერიოდის მაჩვენებელს გადააჭარბა. 

2021 წელს, 2019 წელთან შედარებით, საერთაშორისო ტურისტების რაოდენობის კლება ყველაზე მაღალი იყო ჩრდილოეთ ევროპაში (-82%), ხოლო სამხრეთ/ხმელთაშუაზღვისპირეთის ევროპაში ყველაზე დაბალი (-54%), რასაც მოჰყვა ცენტრალური/აღმოსავლეთ ევროპა (-64%). 2021 წელს, 2019 წელთან შედარებით, საერთაშორისო ტურისტების კლება საქართველოში (-69%) უფრო მეტი იყო როგორც ევროპის (-62%), ასევე ცენტრალური/აღმოსავლეთ ევროპის (-64%) საშუალო მაჩვენებელთან შედარებით, ხოლო გლობალურ საშუალო მაჩვენებელთან შედარებით (-72%) ნაკლები