თბილისი (GBC)- 2021 წელს საქართველოში წყალმომარაგებით საქმიანობას ახორციელებდა 25 საწარმო, რომელთა მიერ შინამეურნეობებისთვის მიწოდებული წყლის მოცულობამ 210.1 მილიონი კუბური მეტრი შეადგინა, რაც 8.3%-ით ნაკლებია წინა წლის შესაბამის მაჩვენებელზე. 2021 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.63 მილიონი ადამიანი (71.3 %), რაც 2.4%-ით მეტია წინა წლის ანალოგიურ მაჩვენებელზე.

 ქვემოთ მოცემულ დიაგრამაზე წარმოდგენილია წყალმომარაგების სისტემაზე მიერთებული მოსახლეობის წილი 2015-2021 წლებში:

2021 წელს წყალარინების (კანალიზაციის) ქსელზე მიერთებული მოსახლეობის რიცხოვნობა წინა წელთან შედარებით 1.8%-ით გაიზარდა და 1.9 მილიონი (51.5 %) შეადგინა, ხოლო ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობა გაიზარდა 0.3%-ით და 1.36 მილიონი (მთლიანი მოსახლეობის 37.0%) შეადგინა.

ქვემოთ მოცემულ დიაგრამებზე წარმოდგენილია წყალარინების ქსელზე მიერთებული მოსახლეობის წილი 2015-2021 წლებში: