თბილისი (GBC) - მობილური კომპანიების შემოსავლები ზრდას განაგრძობს. კომპანიებმა მხოლოდ აპრილში 52.9 მლნ ლარის შემოსავალი მიიღეს, რაც წლიურად 21%-ით გაზრდილი მაჩვენებელია, მაშინ როდესაც აბონენტების რაოდენობა მხოლოდ 4%-იან ზრდას აჩვენებს.

შემოსავლის ყველაზე დიდი წილი ტრადიციულად კომპანია მაგთიზე მოდის - აპრილში კომპანიამ 25.3 მლნ დოლარის შემოსავალი მიიღო, რაც წლიურად 27.4 მლნ ლარით გაზრდილი მაჩვენებელია. 18.8 მლნ ლარის შემოსავალი მიიღო სილქნეტმა - წლიური ზრდა 20.6%-ია, ხოლო ვიონმა - 8.8 მლნ ლარი - წლიური ზრდა 7.7%.

აპრილის თვის საშუალო ARPU (შემოსავალი, რომელსაც კომპანია თითო აბონენტისგან იღებს) 2021 წლის აპrილთან შედარებით გაიზარდა 16,6%-ით. კერძოდ, კომუნიკაციების კომისიის მონაცემებით, ჯამური საშუალო ARPU 10.2 ლარია. კომპანიების მიხედვით, ყველაზე მეტ თანხას თითო აბონენტისგან მაგთი იღებს - 11.7 ლარი, სილქნეტი - 10.9 ლარი, ხოლო ვიონი - 6.8 ლარი.

პარალელურად ინტერნეტის შემოსავლების წილი მთლიან შემოსავლებში სულ უფრო და უფრო იზრდება და კლებულობს ხმოვანი მომსახურების წილი. რისი მიზeზiც არის ახალი, არატრადიციული მომსახურებების მზარდი მოხმარება (ვაიბერი, ვოთსაპი და მსგავსი აპლიკაციები).