თბილისი (GBC) – EastFruit–ის ანალიტიკოსები აღნიშნავენ, რომ საქართველოდან ივნისში ლურჯი მოცვის ექსპორტი, წინა წლის ანალოგიურ თვესთან შედარებით შემცირებულია. ექსპორტის შემცირება საკმაოდ ნეგატიურად აისახა ქართველ მწარმოებლებზე: ადგილობრივი წარმოების ზრდამ და ექსპორტის მაჩვენებლების კლებამ ფასის რეკორდული ვარდნა განაპირობა.

ლურჯი მოცვის ექსპორტმა ივნისში 426 ტონა შეადგინა, რაც 13%–ით ნაკლებია გასული წლის ივნისის ანალოგიურ მაჩვენებელთან შედარებით. მიმდინარე წელს  ექსპორტის ღირებულებამ $2,8 მლნ შეადგინა, რაც 8%–ით ნაკლებია 2021–ის ივნისთან შედარებით. დღეისათვის 1 კგ ლურჯი მოცვის ფასი საშუალოდ $6,7–ს შეადგენს, რაც ყველაზე მაღალი ფასია მიმდინარე თვეში. ამის მიუხედავად, ფერმერებს გაცილებით ნაკლებს უხდიან პროდუქციაში.