თბილისი (GBC) - საქართველოს აეროპორტების გაერთიანების ინფორმაციით, ივნისში, 2019 წლის ანალოგიურ პერიოდთან შედარებით, დავით აღმაშენებლის სახელობის აეროპორტში მგზავრთნაკადი 100%–ით აღდგა.  საანალიზო პერიოდში ქუთაისის საერთაშორისო აეროპორტი 76 052 მგზავრს მოემსახურა (2019 წლის ივნისი 76,208 მგზავრი).

ქუთაისის საერთაშორისო აეროპორტში დადებითი დინამიკაა ავიარეისების რაოდენობის ზრდის კუთხით. ივნისში, აეროპორტში რეისები 21%–ით გაიზარდა და 298 რეისს მოემსახურა ( 2019 წლის ივნისი - 247 რეისი).

საქართველოს აეროპორტების გაერთიანების ინფორმაციით, დღეისათვის ქუთაისის საერთაშორისო აეროპორტში  5 ავიაკომპანია 14 ქვეყნის 25 მიმართულებით ოპერირებს. 1-ლი აგვისტოდან ქუთაისის აეროპორტიდან ფრენები ტალინისა და პარიზის მიმართულებით დაემატება და არსებულ 10 მიმართულებაზე სიხშირეები გაიზრდება.