თბილისი(GBC) – „ლაზიკა კაპიტალის“ გენერალური დირექტორის ბესიკ შენგელიას განცხადებით, მიკროსაფინანსო ორგანიზაციას დიდი სურვილი აქვს და ყველა მოთხოვნილ კრიტერიუმს აკმაყოფილებს მიკრობანკად ტრანსფორმაციისათვის. ამის შესახებ ბესიკ შენგელიამ GBC-სთან საუბარში განაცხადა.

მისივე თქმით, მისოს სასესხო პორტფელის 50%-ზე მეტი ბიზნეს სესხზე მოდის, შესაბამისად ორგანიზაცია მთავარ კრიტერიუმს აკმაყოფილებს.

საქართველოს ეროვნული ბანკის დადგენილებით, მიკრობანკად გარდაქმნის შემდეგ სუბიექტს უჩნდება შესაძლებლობა ტრანზაქციები დამოუკიდებლად განახორციელოს. ასევე ანგარიშებით და დეპოზიტებით მოემსახუროს მომხმარებლებს. მისოს მიკრობანკად გარდაქმნის შემთხვევაში, ორგანიზაციას ბევრად უიაფდებათ სესხის გაცემა.