თბილისი (GBC) - საჰაერო ტრანსპორტის საერთაშორისო ასოციაცია (IATA) აცხადებს, რომ ავიაბილეთებზე ფასების ზრდა გარდაუვალია.

ასოციაციის ხელმძღვანელი უილი უოლში აცხადებს, რომ  ფასების ზრდა, რომელიც გამოწვეულია პოსტპანდემიური მოთხოვნის ზრდითა და რუსეთ–უკრაინის ომით, მომხმარებლებზე აუცილებლად აისახება.

„მსოფლიო მოსახლეობა მზად უნდა იყოს იმისთვის, რომ ფრენების ღირებულების აუცილებლად გაიზრდება“, - განაცხადა უოლშმა BBC Sunday Morning-ის გადაცემაში.

სიტუაცია უფრო გართულდება, რადგან ევროკავშირის ლიდერებმა განაცხადეს, რომ 2022 წლის ბოლომდე დაბლოკავენ რუსული ნავთობის იმპორტის დიდ ნაწილს. აშშ და ბრიტანეთი კი წლის ბოლომდე სრულად აკრძალავენ რუსულ საწვავს.