თბილისი (GBC) - ყაზახეთის პრეზიდენტმა ყასიმ–ჟომარტ თოყაევმა მთავრობას რუსეთიდან გასული უცხოური კომპანიების რელოკაციისთვის ქვეყანაში ხელსაყრელი პირობების შექმნა დაავალა. ამის შესახებ რუსული მედია წერს.

პრეზიდენტის თქმით, დღეს საინვესტიციო კაპიტალზე გლობალური ბრძოლა მიმდინარეობს. „1400 მსხვილი უცხოური კომპანიიდან ყოველმა მეორე შეწყვიტა მუშაობა, ან საერთოდ გავიდა რუსეთის ბაზრიდან“, – აღნიშნა მან.

„ეს შესანიშნავი შანსია ყაზახეთისთვის, რომელსაც შეუძლია ამ კომპანიების და შესაბამისად ინვესტიციების მოზიდვა“, – განაცხადა თოყაევმა ყაზახეთის მთავრობის ხუთშაბათის გაფართოებულ სხდომაზე.