თბილისი (GBC) - საქართველოს ეროვნულმა ბანკმა (სებ) ივნისის ანგარიშში გამოაქვეყნა, რომელშიც წარმოდგენილია ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის ივნისის შედეგები.

სებ–ის ანგარიშის თანახმად, ეკონომიკური საქმიანობის მონაწილეთა მიხედვით, ივნისში, წინა თვესთან შედარებით, ინფლაციური მოლოდინები გაზრდილია. კერძოდ, უმრავლესობის აზრით სამომხმარებლო ფასების ზრდა 8%-ზე მეტად, ხოლო ნაწილი კი 6%-8% ინტერვალში მოძრაობას ფიქრობს. ივნისის თვეში მხოლოდ რამდენიმე მონაწილემ 1 წლის შემდგომ ფასების ზრდა 0%-თან ახლოს დააფიქსირა.

ამავე გამოკითხვის მიხედვით, მონაწილენი საშუალოდ მომდევნო სამი წლის მანძილზე უმეტესად ფასების 8%-ზე მეტად ზრდას ფიქრობენ. წინა თვესთან შედარებით შემცირებულია იმ მონაწილეთა რაოდენობა, რომლებიც ფასების ზრდას 0%-2%-იან ინტერვალში მოიაზრებდა.