თბილისი (GBC) – ივნისში ევროკავშირთან საქართველოს საგარეო ვაჭრობის ბრუნვამ $315.1 მლნ შეადგინა (+20.7% Y.Y). ამ პერიოდში ევროკავშირის წილი მთლიან საგარეო ვაჭრობის ბრუნვაში 21.7%-ია.

ევროკავშირში საქონლის ექსპორტმა $80.9 მლნ (+17.2% Y.Y),  ხოლო იმპორტმა $234.2 მლნ (+22.2% Y.Y) შეადგინა. შესაბამისად, ევროკავშირთან ვაჭრობის უარყოფითმა სალდომ ივნისში $153,3 მლნ შეადგინა.

ტოპ 3 ექსპორტ/იმპორტირებული პროდუქტი და ამ პროდუქტების ტოპ პარტნიორი ქვეყნები ასეთია:

ექსპორტი:

1. სპილენძის მადნები და კონცენტრატები - $47.8 მლნ–ის 20.3 ათასი ტონა. (ტოპ პარტნიორი ბულგარეთი);

2. თხილი და სხვა კაკალი - $3.6 მლნ-ის 749 ტ. (ტოპ პარტნიორი გერმანია);

3. ღვინო - $3.5მლნ-ის 1.2 ათასი ტ. (ტოპ პარტნიორი პოლონეთი).

(ამ სამი პროდუქტის ჯამური წილი,ევროკავშირთან მთლიანი ექსპორტის 68%-ს შეადგენს).

იმპორტი:

1. ნავთობი და ნავთობპროდუქტები - $36.8 მლნ-ის 28.9 ათასი ტ. (ტოპ პარტნიორი რუმინეთი);

2. სამკურნალო საშუალებები - $19.5 მლნ-ის 341 ტ. (ტოპ პარტნიორი საფრანგეთი);

3. მსუბუქი ავტომობილები - $18.1 მლნ-ის 1478 ერთეული (ტოპ პარტნიორი გერმანია).

(ამ სამი პროდუქტის ჯამური წილი ევროკავშირთან მთლიანი იმპორტის 31.8%-ია).