თბილისი (GBC) – ყაზახეთის უმსხვილესი ფინტექ კომპანიის kaspi.kz აქციონერის და სამეთვალყურეო საბჭოს თავმჯდომარის მიხეილ ლომთაძის ქონება ბოლო 1 წელიწადში $900 მლნ–ით შემცირდა და $3 მლრდ–ით იგი ყაზახეთის უმდიდრესი 50 ადამიანის რეიტინგში მეხუთე ადგილზეა. Forbes–ის გლობალურ რეიტინგში კი მან 1043–ე ადგილზე გადაინაცვლა.

1–ლი აპრილის მდგომარეობით ლომთაძე kaspi.kz–ის აქციების 23,24%–ით მფლობელია.

კომპანიის 2021 წლის Q4 ანგარიშგების თანახმად, მისი მომხმარებლების რაოდენობამ 11,2 მლნ–ს მიაღწია და ზრდამ 23% შეადგინა. ყოველდღიური აქტიური მომხმარებლების რაოდენობამ კი 7 მლნ ადამიანს მიაღწია (+42%).

კომპანია სამი მიმართულებით ავითარებს ბიზნესს: გადახდები, ელექტრონული ვაჭრობა და ფინანსური ტექნოლოგიები.