თბილისი (GBC) - ევროკავშირის წევრმა ქვეყნებმა მხარი დაუჭირეს სანქციების ახალ პაკეტს, რომელიც რუსეთიდან ოქროსა და საიუველირო ნაწარმის იმპორტს კრძალავს.

გავრცელებული ინფორმაციის თანახმად, სანქციების ახალი პაკეტი ბრიუსელში გამართულ შეხვედრაზე შეთანხმდა და ძალაში 21 ივლისიდან შედის, მას შემდეგ, რაც ევროკავშირის ოფიციალურ ბიულეტენში გამოქვეყნდება.

სანქციების ახალი პაკეტის თანახმად, რამდენიმე რუს მაღალჩინოსანს და დაწესებულებას აქტივებს გაუყინავენ. ევროკავშირის ტერიტორიაზე შესვლა ყველას აეკრძალება, ვინც სანქცირებულთა სიაშია მოხვედრილი.

ევროკავშირის წევრებმა რუსეთის უმსხვილესი ბანკის – სბერბანკის აქტივების გაყინვის გადაწყვეტილებაც მიიღეს, რომელიც მანამდე საერთაშორისო საგადახდო სისტემიდან SWIFT გარიცხეს.

ამასთან, ცალკე ეთმობა ყურადღება იმის უზრუნველყოფას, რომ დაწესებული სანქციები მსოფლიოს სასურსათო და ენერგეტიკულ უსაფრთხოებას არ დაემუქროს.