თბილისი (GBC) - საქართველოს ეროვნული ბანკის (სებ) სტატისტიკური მონაცემების თანახმად, ივნისში კომერციული ბანკების მიერ გაცემულმა სესხების მოცულობა 534.6 მლნ ლარით გაიზარდა და 43.7 მლრდ ლარი შეადგინა (+1.24% m.m).  

საანგარიშო პერიოდში ეროვნული ვალუტით გაცემული სესხების მოცულობა 452.7 მლნ ლარით გაიზარდა (+2.1% m.m) და 22.4 მლრდ ლარი შეადგინა, ხოლო უცხოური ვალუტით გაცემული სესხების მოცულობა 81.9 მლნ ლარით (+0.4% m.m) გაიზარდა და 21.2 მლრდ ლარი შეადგინა.

რეზიდენტი იურიდიული პირებისათვის ივნისის ბოლოს კომერციულმა ბანკებმა გასცეს 6.8 მლრდ ლარის (+2.7% m.m), ხოლო უცხოურ ვალუტაში 13.4 მლრდ ლარის მოცულობის  სესხი (+0.8% m.m).

სებ-ის ცნობით, მიმდინარე წლის პირველი ივლისის მდგომარეობით, მთლიანი სესხების ლარიზაციის კოეფიციენტმა 51.4% შეადგინა (+0.41 პპ. m.m).