თბილისი (GBC) -  ბლუმბერგის Bmatch  პლატფორმაზე საქართველოს ეროვნულმა ბანკმა (სებ) ივლისში $100 მლნ-მდე შეისყიდა (წმინდა).

სავალუტო აუქციონების მსგავსად, სებ-ის სხვა ტრანზაქციების (მათ შორის Bmatch-ზე) ოპერატიულად გასაჯაროება მოითხოვა რომან გოცირიძემ, პარლამენტის საფინანსო-საბიუჯეტო კომიტეტის ოთხშაბათის სხდომაზე, სადაც სებ-ის პრეზიდენტმა წლიური ანგარიში წარადგინა.

გოცირიძეს მიაჩნია, რომ არათუ დეპუტატი, არამედ, საზოგადოების თითოეული წევრი უნდა იყოს სებ-ის ტრანზაქციების საქმის კურსში.

ამასთან, სებ-ის ექს–პრეზიდენტმა და მოქმედმა დეპუტატმა კობა გვენეტაძეს მონეტარული პოლიტიკა მოუწონა. გოცირიძეს მიაჩნია, რომ რომ სწორი ნაბიჯები გადაიდგა. თუმცა თვლის, რომ  სებ-მა  ვალუტის ყიდვა-გაყიდვაზე  ინფორმაცია საზოგადოებას ყოველდღიურ რეჟიმში უნდა  ჩააბაროს.

ივნის-ივლისში სებ-ს სავალუტო აუქციონი არ გაუმართავს, Bmatch-ზე  $100 მლნ-ზე მეტი შეისყიდა და ამ არხით სისტემას 330 მლნ ლარამდე ლიკვიდობა მიაწოდა.