თბილისი (GBC) -  2021 წელს საქართველოში ფუნქციონირებდა ბაზრებისა და ბაზრობების ორგანიზებით დაკავებული 194 ეკონომიკური სუბიექტი, რომელთა 30.9%  თბილისშია განთავსებული, ხოლო 19.1% - იმერეთის, 12.9 % - სამეგრელო-ზემო სვანეთის, 11.9 % - კახეთის, 7.2 % - ქვემო ქართლის, 5.7%- აჭარის, 4.6% - შიდა ქართლის, 2.6% - სამცხე-ჯავახეთის, 2.6% - მცხეთა-მთიანეთის, 1.5% - გურიის და 1.% - რაჭა-ლეჩხუმსა და ქვემო სვანეთის რეგიონებში.    

ქვემოთ მოცემული ცხრილი აჩვენებს ბაზრების და ბაზრობების ორგანიზებით დაკავებული ეკონომიკური სუბიექტების რაოდენობას და მათ პროცენტულ განაწილებას საქართველოს რეგიონების მიხედვით, 2020-2021 წლებში:

2021 წელს მოქმედი ბაზრებისა და ბაზრობების 95.4% კერძო საკუთრებაშია, ხოლო 4.6% - სახელმწიფო საკუთრებაში.

2021 წელს მოქმედ ბაზრებსა და ბაზრობებში სავაჭრო ადგილებს და მოვაჭრეთა რაოდენობას რეგიონების მიხედვით ასახავს შემდეგი დიაგრამა:

2021 წელს ბაზრებისა და ბაზრობების ორგანიზებით დაკავებულ ეკონომიკურ სუბიექტებში (ბაზრობების დირექციებში) დასაქმებულთა საშუალო წლიური რაოდენობა 2.7 ათას კაცს შეადგენს, რომელთაგან 33.5% ქალია. ამასთან, დასაქმებულთა 47.6% ქალაქ თბილისზე მოდის. 2021 წელს ბაზრებისა და ბაზრობების ორგანიზებით დაკავებულ ეკონომიკურ სუბიექტების შემოსავლებმა 147.3 მლნ. ლარი შეადგინა, საიდანაც 16.2 მლნ. ლარი (11.0 %) ვაჭრობის უფლების გაცემიდან (ერთჯერადი გადასახდელის სახით) მიღებული შემოსავლებია, 125.2 მლნ ლარი (85.0%) - სავაჭრო ფართის გაქირავებიდან მიღებული შემოსავლები, ხოლო 5.9 მლნ ლარი (4.0%) მიეკუთვნება სხვა სახის შემოსავლებს. ამავე პერიოდში ბაზრებისა და ბაზრობის ორგანიზებით დაკავებული ეკონომიკური სუბიექტების დანახარჯებმა 92.8 მლნ. ლარი შეადგინა, აქედან შრომის ანაზღაურება დასაქმებულ პერსონალზე 27.4 მლნ. ლარია.