თბილისი (GBC) – თურქეთის საგარეო საქმეთა მინისტრმა მევლუთ ჩავუშოღლუმ ქართველ კოლეგასთან ილია დარჩიაშვილთან სტამბოლში გამართულ ერთობლივ პრეს–კონფერენციაზე განაცხადა, რომ თურქეთი მხარს უჭერს ბაქო–თბილისი–ყარსის სარკინიგზო მაგისტრალის უფრო აქტიურ გამოყენებას.

მისივე თქმით, რუსეთ–უკრაინის ომის ფონზე ამ სატრანზიტო დერეფნის მნიშვნელობა გაზრდილია.

„ეს მნიშვნელოვანია არა მხოლოდ რეგიონის ქვეყნებისთვის, არამედ საერთაშორისო ვაჭრობისა და ლოგისტიკისთვისაც“, – აღნიშნა ჩავუშოღლუმ.

საქართველოს საგარეო საქმეთა მინისტრი ილია დარჩიაშვილი თურქეთის რესპუბლიკაში ოფიციალური ვიზიტით იმყოფება.