თბილისი (GBC) - აჭარაში დამსვენებელ ტურისტებს 40%–იანი ფასდაკლების მიღების შანსი აქვთ Batumi Discount Card–ის მეშვეობით.

აჭარის ტურიზმის დეპარტამენტში დააზუსტეს, რომ ამ ბარათით 40%–იანი ფასდაკლების მიღება შესაძლებელია ბათუმის ბოტანიკურ ბაღში, ეშმაკის ბორბალზე, იახტ–კლუბში, კინოთეატრ „აპოლოში“, რაფტინგსა და ზიპლაინზე, საბაგიროზე, გონიოს ციხე–მუზეუმში. სულ ჩამონათვალში 50 მომსახურება და ღირსშესანიშნაობა შედის.

ბარათით ასევე შესაძლებელია საზოგადოებრივი ტრანსპორტით 10–ჯერ უფასოდ მგზავრობა, უფასო სიმ–ბარათი 1 გბ ინტერნეტით და ბათუმის გზამკვლევით.

ბარათების შეძენა ტურისტებს ონლაინ, ან ბათუმის ტურისტულ საინფორმაციო ცენტრებში შეუძლიათ.