თბილისი (GBC) – ოდესის პორტიდან უკრაინული მარცვლეულით დატვირთული პირველი გემი გავიდა მას შემდეგ, რაც რუსეთმა უკრაინაზე თავდასხმის შემდეგ პორტები მთლიანად დაბლოკა და მილიონობით ტონა უკრაინული მარცვლეული მსოფლიო ბაზარს ვეღარ მოეწოდებოდა.

სიმინდით დატვირთული პირველი გემი Razoni, რომელიც სიერა–ლეონეს დროშის ქვეშ ცურავს, ორშაბათს, 1–ელ აგვისტოს დილით დაიძრა და მისი დანიშნულების ადგილი ლიბანია, აცხადებს თურქეთის თავდაცვის სამინისტრო.

მარცვლეული გატანის კონტროლის ცენტრში სტამბოლში აცხადებენ, რომ გემი 26 000 ტონა სიმინდითაა დატვირთული. ცენტრის ცნობით, გემი თურქეთის ტერიტორიულ წყლებში 2 აგვისტოს შევა. ინსპექციის გავლის შემდეგ ხომალდი ტრიპოლისკენ აიღებს გეზს.