თბილისი (GBC) - მთავრობის მიერ გასაყიდად გამოტანილ წყალტუბოს 14 სანატორიუმიდან, დღემდე მხოლოდ ორით დაინტერესდნენ.

ესენია 76.6 ათას კვ/მ -ზე განთავსებული სანატორიუმი „მედეა“, რომლის მიმდინარე ფასი 5.8 მლნ ლარია და 28.4 ათას კვ/მ–ზე განთავსებული სანატორიუმი „თბილისი“, რომლის მიმდინარე ფასი 3.2 მლნ ლარია.

შეგახსენებთ, მთავრობამ აღნიშნული სანატორიუმები 6 ივლისს გამოიტანა. აუქციონი კი ხუთშაბათს, 4 აგვისტოს მთავრდება.

წყალტუბოს მერის გენადი ბალანჩივაძის აზრით, 1 თვე არ არის საკმარის აღნიშნული ქონების პრივატიზებისთვის. მერის განცხადებით ინტერესი დიდია და უახლოეს მომავალში ყველა სანატორიუმი გაიყიდება.

მერის განცხადებით, დღეის მდგომარეობით  სანატორიუმებში 140 ოჯახია დარჩენილი სხვადასხვა მიზეზების გამო. მერისავე განცხადებით აღნიშნული ოჯახები ბინებით ქუთაისში  დაკმაყოფილდებიან.