თბილისი (GBC) - მსოფლიოს უმსხვილესი ნავთობმწარმოებლები მოპოვების გაზრდაზე შეთანხმდნენ. მიზეზი ნავთობის გაზრდილი ფასებია.

ოთხშაბათს Opec+ ფორმატის წევრები, რომელშიც შედის რუსეთი, შეთანხმდნენ, რომ სექტემბრიდან ბაზარზე დღეში 100 000 ბარელით მეტი მიწოდება იქნება.

ნავთობის მოპოვების ზრდას ემსახურებოდა პრეზიდენტ ბაიდენის ვიზიტი საუდის არაბეთში, რომელიც დაახლოებით 3 კვირის წინ განხორციელდა.

3 აგვისტოს ვაჭრობის შედეგებით, მსოფლიოს წამყვან ლონდონისა და ნიუ-იორკის ნედლეულის ბირჟებზე ნავთობის ფასი მკვეთრად შემცირდა.

კერძოდ, ლონდონში Inter Continental Exchange Futures Europe-ზე (ICE Futures Europe) Brent–ის მარკის ნავთობის ფასმა 96.78 (-$3.76)  დოლარი/ბარელზე შეადგინა.

ნიუ-იორკში York Mercantile Exchange-ზე (NYMEX) - Light Sweet მარკის ნავთობის ფასმა  90.66 (-$3.76) დოლარი/ბარელზე შეადგინა.