თბილისი (GBC) – globalinnovationindex.org–ის მიერ გამოქვეყნებულ ინოვაციების განვითარების გლობალურ რეიტინგში, რომელიც 132 ქვეყანას მოიცავს, საქართველო 63–ე ადგილზეა 32,4 ქულით.

ინოვაციების განვითარების რეიტინგი წარმოადგენს მსოფლიო ქვეყნების ინოვაციური განვითარების მაჩვენებლების კომპლექსს.

რეიტინგის პირველ სამეულში არიან შვეიცარია, შვედეთი და აშშ, ხოლო ბოლო 132–ე ადგილს ანგოლა იკავებს.

საქართველოს მეზობელ ქვეყნებს რაც შეეხება, უმსხვილესი სავაჭრო პარტნიორი თურქეთი 41–ე ადგილს იკავებს 38,3 ქულით, აზერბაიჯანი მე–80 ადგილზეა 28,4 ქულით, სომხეთი 69–ე ადგილზეა 31,4 ქულით და რუსეთი 45-ე ადგილზე 37 ქულით.