თბილისი (GBC) – ლონდონის ბირჟაზე საქართველოს ბანკის ჯგუფისა და თიბისი ბანკის ჯგუფის აქციები 8–12 აგვისტოს კვირაში მნიშვნელოვნად – 5,26% და 8,27%–ით გაძვირდა, შესაბამისად. Georgia Capital-ის აქციების ფასი კი საანალიზო პერიოდში 1,79%–იან მინუსში გავიდა. ამის შესახებ გალტ & თაგარტის კვირის მიმოხილვაშია ნათქვამი.

საქართველოს ბანკის ჯგუფის (BGEO LN) აქციები 18.00 ბრიტანულ გირვანქა სტერლინგში (GBP) დაიხურა, +5.26% წინა კვირასთან შედარებით და +28.02% გასულ თვესთან შედარებით. ვაჭრობის მოცულობამ 273 ათას აქციაზე მეტი შეადგინა, GBP 16.52 - 18.14 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.

თიბისი ბანკის ჯგუფის (TBCG LN) აქციები დაიხურა 16.50 ბრიტანულ გირვანქა სტერლინგში (GBP), +8.27% წინა კვირასთან შედარებით და +36.82% გასულ თვესთან შედარებით. ვაჭრობის მოცულობამ 161 ათას აქციაზე მეტი შეადგინა, GBP 14.78 - 16.50 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 33 ათასი აქცია შეადგინა.

Georgia Capital-ის (CGEO LN) აქციები დაიხურა 6.60 ბრიტანულ გირვანქა სტერლინგში (GBP), -1.79% წინა კვირასთან შედარებით და +12.82% გასულ თვესთან შედარებით. ვაჭრობის მოცულობამ 175 ათას აქციაზე მეტი შეადგინა, GBP 6.46 - 6.70 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 27 ათასი აქცია შეადგინა.