თბილისი (GBC) - თიბისი კაპიტალის კვლევის მიხედვით, ივლისში თბილისის უძრავ ქონებასთან დაკავშირებული ტრანზაქციები წინა თვესთან შედარებით 0.3%-იან კლებაშია, ხოლო წინა წლის ანალოგიურ პერიოდთან შედარებით მატება 17.2%-ა.

საანალიზო პერიოდში ქირის ფასი 69.8%-ით არის გაზრდილი (Y.Y).

ახალი და ძველი აშენებული ბინების გაყიდვების დინამიკაში შენარჩუნდა წინა თვის ტენდენცია. მოთხოვნა გაუმჯობესდა ახალ ბინებზე (ნებართვით 2018+).

ივლისში 800 ახალი ბინა  გაიყიდა, რაც 53.6%-ით მეტია წინა წლის იმავე პერიოდზე. ძველ აშენებულ ბინებზე 10%-იანი ზრდა დაფიქსირდა (Y.Y).

თბილისის უბნებში უძრავ ქონებაზე ტრანზაქციების რაოდენობა წინა წლის ანალოგიურ პერიოდთან შედარებით შემდეგნაირია:

დიდუბე ერთადერთი რაიონია, სადაც ტრანზაქციების კლება დაფიქსირდა -11%.

ტოპ 3 რაიონი ტრანზაქციების ყველაზე დიდი წილით ასეთია:

ჩუღურეთი +82%; დიდი დიღომი +49%; კრწანისი +36%.

რაც შეეხება წილებს მთლიან გარიგებებში:

საბურთალოს რაიონი 18.4%; დიდი დიღომი 16.7%.

კრწანისი, ჩუღურეთი და მთაწმინდა ჯამში გარიგებების 9%-ს ფლობენ.

ყველაზე  მაღალი წლიური ზრდა დაფიქსირდა მთაწმინდაზე +25%, მეორეზეა დიდი დიღომი +19% და გლდანი ასევე +19%-ით.

იჯარის ფასები იგივე დარჩა, როგორც წინა თვეში. წინა წელთან შედარებით წლიური 50%-იანი ფასების ზრდით. ტოპ რაიონი კი ასეთია: დიდი დიღომი +13%, ისანი +12.3% და დიდუბე +12%.