თბილისი (GBC) - საქსტატის მონაცემებით, ივლისში რუსეთთან საგარეო ვაჭრობის ბრუნვამ $251.7 მლნ შეადგინა, რაც 82%-ით მეტია წინა წლის იმავე პერიოდის მაჩვენებელზე (2021 ივლისი- $138.2 მლნ). ამ პერიოდში რუსეთთან საგარეო ვაჭრობის ბრუნვამ ქვეყნის მთლიანი სავაჭრო ბრუნვის 15.2% შეადგინა.

აქედან, ექსპორტმა $82.6მლნ (+40.3% Y.Y), ხოლო იმპორტმა $169.1 მლნ (+113% Y.Y) შეადგინა.

რუსეთთან ივლისის ტოპ ექსპორტ/იმპორტირებული პროდუქცია ასეთია.

ექსპორტი:

1. გარგარი, ალუბალი, ბალი, ატამი, ქლიავი, ღოღნოშო - $17.3 მლნ-ის 14.7 ათასი ტონა.

2. სპირტიანი სასმელები (80%-ზე ნაკლები მოც.) – $15.3 მლნ-ის 1.4 ათასი ტ.

3. ყურძნის ნატურალური ღვინოები - $14.3 მლნ-ის 5.3 მლნ ლიტრი.

4. მსუბუქი ავტომანქანები - $8.2 მლნ-ის 580 ერთეული.

5. მინერალური და მტკნარი წყლები - $5.6 მლნ-ის  10.2 მლნ ლიტრი.

იმპორტი:

1. ნავთობი და ნავთობპროდუქტები - $70 მლნ-ის 63.8 ათასი ტ.

2. ქვანახშირი - $8.2 მლნ-ის   43.2 ათასი ტ.

3. ხორბლის ან ჭვავის ფქვილი - $6.7 მლნ-ის 17.4 ათასი ტ.

4. ნახშირბადიანი ფოლადის წნელები - $5.8 მლნ-ის 8.1 ათასი ტ.

5. დამუშავებული მარცვლოვნების მარცვალი - $4.7 მლნ-ის 15.1 ათასი ტ.