თბილისი (GBC) - ლარი დოლართან მიმართებაში ხუთშაბათს, თბილისის დროით 12:00 საათისთვის 1.17%-ით გაუფასურდა და 1 დოლარის ფასი 2.86 ლარს შეადგენს.

ეკონომისტი რამაზ გერლიანი GBC-სთან საუბრისას ლარის გაუფასურებას განიხილავს და ამბობს, რომ ლარის კურსის ვარდნა შესაძლებელია უკავშირდებოდეს კონკრეტულ სავალუტო ოპერაციას, რომელიც, სავარაუდოდ, საგარეო ვალდებულებების გასტუმრებას უკავშირდება. რისთვისაც საჭიროა დოლარის მობილიზება.

გერლიანი ევროს გაუფასურებასაც ეხმაურება და აღნიშნულს ევროკავშირის არამდგრად ეკონომიკურ პოზიციას უკავშირებს, რაც რუსეთ-უკრაინის ომისგანაა განპირობებული. ეკონომისტი აღნიშნავს,რომ ეს საქართველოზე დიდ გავლენას ვერ მოახდებს, რადგან ქვეყნის სავალუტო რეზერვების 80% დოლარშია და 20% ევროშია განთავსებული.