თბილისი (GBC) – თურქეთი ბოსფორისა და დარდანელის სრუტეებით სარგებლობის ფასებს გადახედავს. როგორც მოსალოდნელია, გადასახადი ხუთმაგი გახდება, წერს გამოცემა Sabah.

„უქმდება საგადახდო სისტემა იმ კურსით, რომელიც 1983 წელს 75%–იანი ფასდაკლებით იყო გამყარებული“, – ნათქვამია სტატიაში.

ახალი სატარიფო პოლიტიკა ძალაში 7 ოქტომბრიდან შედის. ამ ცვლილებების შედეგად თურქეთის ყოველწლიური შემოსავალი $200 მლნ–ით გაიზრდება. დღეის მდგომარეობით ქვეყანა აღნიშნული სრუტეებიდან მხოლოდ $40 მლნ–ს იღებს წელიწადში.

თურქეთის რესპუბლიკა სრუტეების მართვის უფლებით სარგებლობს, რომელიც მონტრეს 1996 წლის კონვენციითაა დაკანონებული, რომლის თანახმად, შავი ზღვის აუზის ქვეყნებმა წინასწარ უნდა აცნობონ ანკარას, რომ სრუტეების გავლით ნებისმიერი კლასის სამხედრო ხომალდების გატარების უფლება მიიღონ. ამასთან, სხვა სახელმწიფოებისთვის გაცილებით მკაცრი შეზღუდვებია დაწესებული სრუტეებში სამხედრო ხომალდების გატარებაზე კლასისა და ტონაჟის მიხედვით.