თბილისი(GBC) - კრემლის კრიტიკოსი რუსი ფოტოჟურნალისტი ვასილი კრესტიანინოვი საქართველოში არ შემოუშვეს. კრესტიანინოვმა განმარტა, რომ შემთხვევა მის საქმიანობას უკავშირდება და საქართველოში შემოსვლაზე უარი მან მეორედ მიიღო.

“საქართველოში 11-თვიანი ცხოვრების დროს ვაორგანიზებდი და ვიღებდი მონაწილეობას აქციებში, რომლებიც რუსეთის წინააღმდეგ იყო, თუმცა მე არ ვერეოდი არასდროს ქართულ პოლიტიკაში. როცა აქციებს ვაწყობდით, სამართალდამცველები მოდიოდნენ და დოკუმენტებს გვთხოვდნენ, ფოტოებს უღებდნენ, როგორც ჩანს ამ დროის განმავლობაში ნელ-ნელა ინფორმაციას აგროვებდნენ ჩვენზე, რაღაც მომენტში კი აღარ შემოგვიშვეს.” – განმარტა მან.

 ბოლო თვეებში,მიზეზების ახსნის გარეშე,რუსეთიდან და სხვა ქვეყნებიდან კრემლის არაერთ კრიტიკოსს უთხრეს უარი საქართველოში შემოშვებაზე.