თბილისი (GBC) - სახელმწიფო პროგრამის ,,მშენებლობა განვადებით'' ფარგლებში, შპს საქართველოს გაერთიანებული წყალმომარაგების კომპანიამ 35.7 მლნ ლარიანი ელექტრონული ტენდერი ჩაატარა, რომელიც ქალაქ წყალტუბოს და წყალტუბოს მუნიციპალიტეტის 3 სოფლის (გუმბრა, თერნალისა და გვიშტიბი) წყალმომარაგების სისტემის რეაბილიტაციის პროექტირება-მშენებლობას გულისხმობს.

წინადადებების მიღება 2 სექტემბერს დასრულდა. ტენდერი შერჩევა/შეფასების ეტაპზეა და ერთადერთი კანდიდატი შპს ,,თექ ჰაივეია’’.

ტენდერის შეთავაზებებში ჩანს, რომ შპს ,,თექ პაივეი’’ აღნიშნულ სამუშაოებს 31,99 მლნ ლარად შეასრულებს.

საპროექტო მომსახურების განხორციელების ვადა ექსპერტიზის ჩათვლით, ხელშეკრულების გაფორმებიდან 10 თვეა, ხოლო სამშენებლო სამუშაოების განხორციელების ვადა - 24 თვე.

ტენდერის დოკუმენტაციის მიხედვით სამუშაოების საგარანტიო ვადად 1 წელია განსაზღვრული.

თექ პაივეი დარეგისტრირებულია 2017 წელს ადიგენის რაიონში. ტენდერების მონიტორის მიხედვით, მან 13-ჯერ მოიგო სახელმწიფო ტენდერი. მოგებული ტენდერების საერთო სავარაუდო ღირებულება 15 მლნ ლარამდეა.

კომპანიის მფლობელთა სტრუქტურა კი ასეთია:

თამარი ხაბელაშვილი 55%;

ჯაბა ჩხარტიშვილი 27%;

იოსებ ჯაფარიძე 18%.