თბილისი (GBC) – იანვარ–ივლისში ევროპამ 7,3 მლრდ კბ/მ აზერბაიჯანული გაზი მიიღო. ამის შესახებ ტვიტერზე აზერბაიჯანის ენერგეტიკის მინისტრი ფარვიზ შახბაზოვი წერს.

მინისტრის პუბლიკაციაში ნათქვამია, რომ აზერბაიჯანმა გასული წლის ანალოგიურ პერიოდთან შედარებით გაზის ექსპორტი 23%–ით გაზარდა.

„თურქეთში ექსპორტირებული გაზის მოცულობამ 5,4 მლრდ კუბური მეტრი, საქართველოში ექსპორტირებულმა კი 1,7 მილიარდი კუბური მეტრი შეადგინა“, – წერს შახბაზოვი.