თბილისი (GBC) - საქართველოს ეროვნული ბანკის (სებ) მონაცემებით, აგვისტოში საქართველოში გადმორიცხულმა ფულადმა გზავნილებმა ჯამში $334.3 მლნ შეადგინა, რაც 63%-ით მეტია წინა წლის ანალოგიური პერიოდის მაჩვენებელზე (2021 აგვისტო - $204.9 მლნ).

ამ  პერიოდში ქვეყნების მიხედვით ჩარიცხვები ასე გადანაწილდა:

1. რუსეთი - $110.9 მლნ. მთლიანი ჩარიცხვების 33.2% (+195% Y.Y).

2. იტალია - $36.6 მლნ. მთლიანი ჩარიცხვების 10.9% (+8.8% Y.Y).

3. აშშ - $29.2 მლნ. მთლიანი ჩარიცხვების 8.7% (+18.6% Y.Y).

4. საბერძნეთი -$18.8 მლნ. მთლიანი ჩარიცხვების 5.6%  (-2.9% Y.Y).

5. ისრაელი - $18 მლნ. მთლიანი ჩარიცხვების 5.4% (+7.8% Y.Y).

აგვისტოში საქართველოდან საზღვარგარეთ გადარიცხულმა თანხამ ჯამში $29.5 მლნ შეადგინა (+7.6% Y.Y).

ყველაზე დიდი ოდენობით საქართველოდან თანხა თურქეთში გადაირიცხა. თურქეთში გადარიცხულმა თანხამ $5.8 მლნ შეადგინა, რაც მთლიანი გადარიცხული თანხის 19.8%-ია.

მეორეზეა უკრაინა $4.6 მლნ, რაც მთლიანი გადარიცხვების 15.6%-ია.

მესამეზეა რუსეთი $3 მლნ, რაც მთლიანი გადარიცხვების 10%-ია.