თბილისი(GBC)- II კვარტალში მთლიანი შიდა პროდუქტის მოცულობა მიმდინარე ფასებში 18 მლრდ  ლარს გაუტოლდა, ხოლო წინა წლის შესაბამის პერიოდთან შედარებით რეალური მთლიანი შიდა პროდუქტის ზრდამ 7.1% შეადგინა. მთლიანი შიდა პროდუქტის დეფლატორი გაიზარდა 8.2%-ით.

საქართველოს მთლიანი შიდა პროდუქტი (მიმდინარე ფასებში, მლნ. ლარი):

რეალური მთლიანი შიდა პროდუქტის ზრდა წინა წლის შესაბამის პერიოდთან შედარებით:

2022 წლის მეორე კვარტალში, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ელექტროენერგიის, აირის, ორთქლის და კონდიცირებული ჰაერის მიწოდება (75%), ტრანსპორტი და დასაწყობება (18.6%), ინფორმაცია და კომუნიკაცია (27.7 %), სოფლის, სატყეო და თევზის მეურნეობა (10.9 %), განათლება (12.0 %), საბითუმო და საცალო ვაჭრობა (3.0 %). კლება აღინიშნა შემდეგ დარგებში: ჯანდაცვა და სოციალური მომსახურების საქმიანობები (-12.7 %), უძრავ ქონებასთან დაკავშირებული საქმიანობები (-2.7 %), მშენებლობა (-3.2 %).

მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა ვაჭრობა (16.5 %) და დამამუშავებელი მრეწველობა (10.9 %). შემდეგ პოზიციებს იკავებს უძრავ ქონებასთან დაკავშირებული საქმიანობები (10.0 %), სოფლის, სატყეო და თევზის მეურნეობა (8.3 %), მშენებლობა (7.6 %), ტრანსპორტი და დასაწყობება (6.5 %), სახელმწიფო მმართველობა (6.0 %), ხელოვნება, გართობა და დასვენება (4.8 %).