თბილისი (GBC) - აგვისტოში საქართველო–თურქეთის ვაჭრობის ბრუნვამ  $265.6 მლნ შეადგინა, რაც 48.3%-ით მეტია წინა წლის აგვისტოს ანალოგიურ მაჩვენებელზე.

საქსტატის მონაცემებით, თურქეთთან ვაჭრობამ, მთლიანი საგარეო სავაჭრო ბრუნვის 15.8% შეადგინა.

აქედან ექსპორტმა $26.4 მლნ (+24% Y.Y), ხოლო იმპორტმა $239.2 მლნ (+51.7% Y.Y) შეადგინა. შესაბამისად, აგვისტოში თურქეთთან საგარეო ვაჭრობის უარყოფითმა სალდომ $212,8 მლნ შეადგინა.

ტოპ ექსპორტ/იმპორტირებული პროდუქცია ასეთია:

ექსპორტი:

1. ელექტროენერგია - $9.1 მლნ-ის.

2. ფეროშენადნობები - $3.7 მლნ-ის 2.9 ათასი ტ.

3. ტრიკოტაჟის ნაწარმი (კვართები) - $2.8 მლნ-ის 78.4 ტ.

4. საფრენი აპარატები - $2.5 მლნ-ის 7.2 ტ.

5. გამომთვლელი მანქანები - $1.5 მლნ-ის 10 ტ.

იმპორტი:

1. ნავთობი და ნავთობპროდუქტები - $12 მლნ-ის 9.1 ათასი ტ.

2. სამკურნალო საშუალებები - $7.6 მლნ-ის 120 ტ.

3. სპილენძის მადნები და კონცენტრატები - $7.2 მლნ-ის 4.6 ათასი ტ.

4. მერქან-ბურბუშელას ფილები - $7.1 მლნ-ის 15.4 ათასი ტ.

5. თამბაქოს ნაწარმი - $6.6 მლნ-ის 358 ტ.