თბილისი (GBC) - ივლისში საქართველოში იმპორტირებული ბუნებრივი გაზის მოცულობამ 100 მლნ. კბ/მ შეადგინა, რაც 9.4%-ით მეტია წინა წლის იმავე პერიოდის მაჩვენებელზე (2021 ივლისი- 91.4 მლნ. კბ/მ). ამის შესახებ ინფორმაციას საქართველოს ენერგეტიკისა და წყალმომარაგების მარეგულირებელი კომისია (სემეკი)  ავრცელებს.

სემეკის ცნობით, ივლისში საქართველოში ადგილობრივი გაზის მოპოვება 23.1%-ით შემცირდა. თუ შარშან ივლისში წარმოებული გაზის ოდენობა 1.3 მლნ. კბ/მ იყო, წელს წარმოებამ მხოლოდ 1 მლნ. კბ/მ შეადგინა.

მთლიანმა მიწოდებამ 101 მლნ. კბ/მ შეადგინა. ხოლო ელექტროენერგიისთვის გენერაციისთვის გამოყენებული გაზის რაოდენობამ 1.1 მლნ. კბ/მ შეადგინა.

საქსტატის მონაცემებით, ივლისში საქართველომ იმპორტირებულ გაზში, რომელიც 100%–ით აზერბაიჯანიდან შემოდის, $10,5 მლნ გადაიხადა.