თბილისი (GBC) – ქეი-ეს-ბი  ფილიალების ქსელის გაფართოებას გეგმავს.

მომავალ წელს ბანკის სერვისცენტრი რუსთაველის გამზირზე, „დაბი ჯგუფის“ კიდევ ერთ აქტივში - 5 ვარსკვლავიან სასტუმრო „მილენიუმში“ განთავსდება. 

ყოფილი იმელის შენობასა და მის მიმდებარე ტერიტორიაზე სასტუმროს მშენებლობა აქტიურ ფაზაშია, მისი გახსნა 2016 წელს არის დაგეგმილი. უახლოეს პერიოდში უნდა დაიწყოს სერვისცენტრისთვის სივრცის მოწყობაც.

ამჟამად ქეი-ეს-ბის  ქვეყნის მასშტაბით 23 მომსახურების ობიექტი აქვს, მათგან 6 სერვის დესქია.

661 მილიონ ლარამდე აქტივებით ბანკის წილი ბაზარზე 2,7%-ია. 11 თვის მოგება 8,2 მილიონ ლარს შეადგენს.