თბილისი (GBC) – “საზოგადოება და ბანკები”  საფინანსო  საგანმანათლებლო კამპანიას, „გერმანული შემნახველი ბანკების ფონდთან“ პარტნიორობით, კახეთში მართავს.

თელავსა (14:00 სთ; 24 თებერვალი,ვაჟა-ფშაველას 3 )  და საგარეჯოში (14:00 სთ; 25 თებერვალი; რუსთაველის 240) ადგილობრივებს, საბანკო პროდუქტებზე, თანმდევ რისკებზე, სარგებელზე, ასევე ყველა პრობლემატურ კითხვაზე  კვალიფიციური კონსულტანტები უპასუხებენ.

საინფორმაციო კამპანიები ამა თუ იმ პროდუქტის, სასესხოს  თუ საანაბრეს, ასევე  საბანკო სერვისების მომხარებლისთვის დეტალურად გაცნობას ითვალისწინებს. 

„საზოგადოება და ბანკები“  2013 წლიდან  საქმიანობს,  საინფორმაციო აქტივობებს მართავს და ბაზრის სეგმენტურ კვლევას უზრუნველყოფს.

ამასთან,  მომხარებელთა ინტერესების დაცვას მათივე  ცოდნის ამაღლებით ცდილობს, საფინანსო ინსტიტუტების მიმართ სწორი წარმოდგენები რომ შეიქმნას.