თბილისი (GBC) -  პროკრედიტი მიკრობაზრიდან  გადის.

2015 წელს $21 მილიონიანი პორტფელის (მისი პორტფელის 5,2%) თიბისისთვის მიყიდვის შემდეგ, მიკრობიზნეს პორტფელი თანდათან მცირდება და ამ დროისთვის 5%-მდეა.

სამიზნე ჯგუფიდან მიკროს ამოვარდნა  პრიორიტეტების შეცვლას უკავშირდება, არჩევანი  მცირე ბიზნესზე (დაკრედიტება $30 000-დან) გაკეთდა, რომლის  დაფინანსებაც რეალურად ბიზნესის განვითარებას ემსახურება და არა სამომხმარებლო საჭიროებებს, რაც მიკროს  ახასიათებს.

მენეჯმენტმა,  სწორად განსაზღვრული პრიორიტეტების შესახებ  2015 წლის შემაჯამებელ  პრესკონფერენციაზე აღნიშნა.

921 მლნ-ის საკრედიტო პორტფელით, კლიენტთა 669 მლნ-ის სახსრებით და 29 მლნ  ლარის მოგებით (IFRS-ს სტანდარტით), 2015 წელს მენეჯმენტი წარმატებულად აფასებს.

წელს ბანკის მიზანია გახდეს ე.წ. house bank-ი ბიზნეს კლიენტებისა და ფიზიკური პირებისათვის, რომლებთანაც გრძელვადიანი თანამშრომლობა აკავშირებს.

პრიორიტეტი მომსახურების სივრცის 24/7-ის განვითარებაზე გაკეთდება, ასევე ინვესტირებაზე კადრების ტრენინგებში, პროფესიულთან ერთად ინგლისური ენის სწავლებაში.