თბილისი (GBC) –  ლიბერთის აქციონერთა სტრუქტურაში  ცვლილებებია, რამდენიმე ინსტიტუციონალური ინვესტორი ბანკიდან გავიდა.

ცვლილება ბანკის ბოლოს შეთავაზების ფარგლებში განხორციელდა, 18,7 მლნ ლარის  1 მლრდ-ზე მეტი აქციაა გამოსყიდული (1  აქცია -0,0179 ლარი). სულ ბანკის მენეჯმენტმა აქციების 19%-მდე  გამოისყიდა.  

თითოეული აქციის გამოსყიდვის ფასი IFRS ანგარიშგებით (საერთაშორისო მეთოდოლოგიით) საბალანსო ღირებულების ≈75%-ია (01.10.15 მდგომარეობით).

2015 Q4 ანგარიშის თანახმად, აქციების 17,65 % სახაზინო აქციებია (ბანკის მიერ საკუთარი განთავსებული აქციები), 25.6%-დან 12,47%-მდე შემცირდა ინსტიტუციონალური ინვესტორების წილი, „ლიბერთი ჰოლდინგი ჯორჯიას“  წილი 58,18%-ია, მესამე კვარტალის მონაცემებში 61,18% ფიქსირდებოდა. კიდევ 11,7% კერძო პირებზე მოდის, წინა კვარტალში მათ 13,22% ეკავათ.

სულ იურიდიულ პირებს 74,7% უკავია, დანარჩენი კერძო პირებს.

ვინ შეიძინა აქციები ბანკში არ აკონკრეტებენ და აცხადებენ, რომ მეოთხე კვარტალის მონაცემები აქციონერთა სტრუქტურაში ცვლილებებს სრულად არ ასახავს, რადგანაც აქციების გამოსყიდვა თებერვალშიც გაგრძელდა.