თბილისი  (GBC)  - „ჩვენ (გერმანია) მხარს ვუჭერთ საქართველოს ტერიტორიულ მთლიანობას და ამაში ცხადია  მოვიაზრებთ სამხრეთ ოსეთს და აფხაზეთს“, -  გერმანიის კანცლერმა საქართველოს რუსეთთან  ურთიერთობის პოლიტიკა და გადადგმული პრაგმატული ნაბიჯებიც  მოიწონა.

შეფასებები ანგელა მერკელმა გიორგი კვირიკაშვილთან პირისპირ შეხვედრის შემდეგ, პრესკონფერენციაზე გააკეთა. 

 მერკელმა ეკონომიკური თანამშრომლობის  მაღალ პოტენციალზე გაამახვილა ყურადღება,  აღნიშნა ქვეყნის მაღალრეიტინგულ პოზიციებზე ყოფნა, ლიბერალიზაციის და გამჭვირვალობის მიმართულებით.

მან გერმანული საწარმოების  ინტერესზეც  განაცხადა, განსაკუთრებით მშენებლობის სფეროში.

გერმანიის კანცლერმა  ფრანკფურტის წიგნის ბაზრობაზე  (2018 წ) საქართველოს სტუმრის სტატუსით  მიწვევაზე და ქვეყნების უფრო მეტად დაახლოებაზე განაცხადა.

2017 წლის დატვირთვაზე  გაამახვილა ყურადღება მომავალი წელი „საქართველო -გერმანიის მეგობრობის  წლად“ გამოცხადდა.

ასევე დაანონსა გერმანიის საგარეო საქმეთა მინისტრის სტუმრობა, რომელიც ივლისშია დაგეგმილი.