თბილისი (GBC) - საქართველო კავკასიაში პირველი ქვეყანაა, სადაც აეროპორტში  მზის ენერგიის მოხმარება დაიწყეს. პროექტი იაპონიის დახმარებით განხორციელდა.

კერძოდ, იაპონიის საერთაშორისო თანამშრომლობის სააგენტომ (JICA) საქართველოს მთავრობას 480 მლნ იენის ($4,5 მლნ)   ოდენობის გრანტი გამოუყო, რომელიც თბილისის აეროპორტში მზის პანელების დამონტაჟებას მოხმარდა. გამომუშავებული ელექტროენერგია ტერმინალის ფუნქციონირებისთვის არის მიმართული.

აეროპორტის ტერიტორიაზე განთავსებული სისტემის საშუალო სიმძლავრე ს 316 კვტ-ია, ხოლო წლიური გამომუშავებული ენერგია - 337 000 კვტ/სთ, განთავსების ტერიტორია დაახლ 4,100 კვ.მ; CO2-ის ემისიის შემცირება ყოველწლიურად - 187.0 ტ. 

სამშენებლო სამუშაოები იაპონურმა კომპანია Itochu Corporation-მ, მისი ქართული და იაპონური ქვეკონტრაქტორების -Fuji Furukawa Engineering & Construction Co.Ltd. და შპს „გრუსიას“ მეშვეობით განახორციელა.